Iftikhar yad aaey ga (افتخار یاد آئے گا )

پچھلے سال میں جون کے مہینے میں پاکستان میں تھا جب  وکلاء نے اپنا پہلا لانگ مارچ ترتیب دیا۔  میں نے اپنی موجودگی کو غنیمت جانتے ہوئے اس میں شرکت کرنے کا ارادہ کیا اور حسن رحمان کو مشورے سے فاسٹ نیشنل یونیورسٹی جو کہ میری اپنی یونیورسٹی ہے سے اس میں شامل ہوا۔

اگرچہ یہ ایک کافی دلچسپ سفر ثابت ہوا پر شریف وکلاء کے آخری فیصلے نے خوشی کو گہنا سا دیا۔

اس سفر کی میرے لیے اچھی باتوں میں سے ایک یہ تھی کہ میں نے چند نئے دوست بنائے جن میں زیشان رانا عرف مولانا خاص طور پر قابل زکر ہے۔ زیشان اور عمر سلیمان کے ساتھ مل کر میں نے چند پیروڈیز بنائیں تھیں جن میں سے صرف ایک علی ناطق کےموبائل ویڈیو کی وجہ سے محفوظ ہو سکی اور باقی سب ہم ریکارڈ نہیں کر سکے۔ کتنے افسوس کی بات ہے ۔ چچچ

اب وکلاء نے پھر لانگ مارچ کا اعلان کیا ہے جس میں اس دفعہ دھرنا بھی شامل ہے لیکن میں پاکستان نہیں جا سکتا کیونکہ ابھی اتنی چھٹیاں نہیں ہیں۔ چنانچہ اب میں صرف دعا ہی کرسکتا ہوں کہ اللہ زرداری کو عقل دے کہ وہ ڈوگر کو دھکا دے ۔۔

ہاں کل میں نے ایک نیا کام یہ کیا اپنے پا مہدی حسن کے ایک پورے گانے کی پیروڈی بنادی ہے۔ زرا پڑھو یہاں ۔ بلکہ ٹھہرو میں نے آسانی کے لیے اس اپنی آواز میں یوٹیوب پر بھی پہنچا دیا ہے۔ مجھے ہمیشہ سے ترنم سے پڑھنے والے شاعر پسند ہیں چنانچہ ترنم بی بی بھی کو زحمت دی ہے ۔ ہاہا

عوام کے نام۔

جب کوئی مارشل لاء لگائے گا

تم کو ایک شخص یاد آئے گا

جب کوئی مارشل لاء لگائے گا

تم کو 'اف تخار' یاد آئے گا

جب کوئی مارشل لاء لگائے گا

تم کو ایک شخص یاد آئے گا

لذت بم سے آشناء ہو کر

پر امن دور سے جدا ہو کر

لذت بم سے آشناء ہو کر

پر امن دور سے جدا ہو کر

کوئی بھی جب امن نا پائے گا

کوئی بھی جب امن نا پائے گا

تم کو ایک شخص یاد آئے گا

جب کوئی مارشل لاء لگائے گا

تم کو 'اف تخار' یاد آئے گا

جب کوئی مارشل لاء لگائے گا

تم کو ایک شخص یاد آئے گا

تیرے لب پہ نام ہوگا افتخار کا

ڈوگر دیکھ کرجلے گا دل تیرا

تیرے لب پہ نام ہوگا افتخار کا

ڈوگر دیکھ کرجلے گا دل تیرا

جب  کوئی   ڈاکٹر بن نا پائے گا

جب  کوئی   ڈاکٹر بن نا پائے گا

تم کو ایک شخص یاد آئے گا

جب کوئی مارشل لاء لگائے گا

تم کو 'اف تخار' یاد آئے گا

جب کوئی مارشل لاء لگائے گا

تم کو ایک شخص یاد آئے گا

لاپتوں کے درد کو سہوگے تم

بوگس الاٹمنٹ دیکھتے رہوگے تم

لاپتوں کے درد کو سہوگے تم

بوگس الاٹمنٹ دیکھتے رہوگے تم

سٹیل مل جب کوئی بچا  نا پائے گا

سٹیل مل جب کوئی بچا  نا پائے گا

تم کو ایک شخص یاد آئے گا

جب کوئی مارشل لاء لگائے گا

تم کو 'اف تخار' یاد آئے گا

جب کوئی مارشل لاء لگائے گا

تم کو ایک شخص یاد آئے گا

اچھا اب جن کو یہ پسند آئے وہ اس کو آگے فارورڈ کردے آج شام سے پہلے انشاءاللہ مجھے خوشی ملے گی۔

شاعری

اپنے سکول کے میلنگ گروپ پر سپیمنگ کی بحث کے دوران میں نے یہ کچھ شعر لکھے ہیں

محبت کرنے والے کم ہونگے

تری دنیا میں جو اتنے بم ہونگے

ایک حمزہ اور ایک اس کی ایمیل

ارریٹیٹڈ کبھی بھی کم نا ہونگے

اگر تواتفاقاّ چھٹی پر بھی چلا جائے

تیری میلوں کے صدمے کم نا ہونگے 

جی میل کی فلٹریں بڑھتی رہیں گی

اگر کچھ مشورے باہم نا ہونگے

فراز میں ان میلوں سے جتنا بدگماں ہوں

متن میں اتنے بھی بے ڈھنگ نا ہونگے

اندھیروں کا تسلسل ۔ سید عارف

اندھیروں کا تسلسل مختصر ہونے نہیں دیتا
سحر کا نام لیتا ہے، سحر ہونے نہیں دیتا

وہ شب فطرت ہے اس کو روشنی اچھی نہیں لگتی
کسی گھر میں اجالوں کا گزر ہونے نہیں دیتا

وہ دہشت بانٹتا ہے خوف کے منظر بناتا ہے
کوئی شاخِ تمنا بارور ہونے نہیں دیتا

وہ سارے فیصلے حسبِ ضرورت آپ کرتا ہے
کسی کا حرف، حرفِ معتبر ہونے نہیں دیتا

ہمیشہ دوسروں میں فاصلے تقسیم کرتا ہے
وہ لوگوں کو بہم شیروشکر ہونے نہیں دیتا

امیرِ کارواں رہنے کا اتنا شوق ہے اس کو
کہ دانستہ بھی تکمیلِ سفر ہونے نہیں دیتا
(سید عارف)